ပအိုဝ်းတိုင်းရင်းသားပေါက်ဖွားလာပုံဒဏ္ဍာရီ

 ပအိုဝ်းတိုင်းရင်းသားတို့သည် မိမိကိုယ်ကိုနဂါးအမျိုးအနွယ်မှ ပေါက်ဖွားလာသည်ဟု ယူဆကြ၏။ မိခင်မှာနဂါးမဖြစ်ပြီး ဖခင်မှာဇော်ဂျီ ’’ဝိဇ္ဇာ’’ ဟုယူဆကြသည်။ သက်ကြီးရွယ်အိုများကလည်း မိမိတို့မှာနဂါး မျိုးနွယ်ဖြစ်ကြောင်းနှင့်နဂါးမှပေါက်ဖွားဆင်းသက်လာပုံကို လူငယ်များအားယနေ့တိုင် ပြောဆိုနေကြသေး ၏။
ပအိုဝ်းပေါက်ဖွားလာပုံ ဒဏ္ဍာရီလေးမှာ---
သက္ကရာဇ် ၄၀၀ ခန့်လောက်တွင် သူဘိန္နမြို့၌ ခွန်တိဿမည်သောမင်းသည် မင်းပြု၏။ ထိုမင်း၏ မိဘုရားမှာ သီရိကပ္ပဟုတွင်၏။ မင်းနှင့်မိဖုရားတွင် တိဿစမ္မနှင့်ထဒထရာဇာဟု ခေါ်သည့်သားတော် နှစ်ပါးထွန်းကား၏။ သားတော်နှစ်ပါးစလုံးမှာ သူတော်ကောင်းစိတ်ဓာတ်များရှိကြ၏။ ထို့ကြောင့် အရွယ် ရောက်လာသောအခါ ခမည်းတော်မယ်တော်ထံခွင့်တောင်းပြီး ရသေ့ဝတ်လဲကာတောထွက်သွားကြ၏။
တစ်နေ့သောအခါနဂါးမသည် လူပြည်သို့ရောက်ရှိခဲ့ရာ လူယောင်ဖန်ဆင်းပြီး တောထဲ၌လှည့်လည် နေထိုင်သည်။ ထိုသို့ တောထဲတွင်လှည့်လည်နေထိုင်ရင်း တောဟေမဝန်၏စိမ်းစိုသာယာမှုကြောင့် ထိုတောထဲတွင် နေထိုင်လိုသောဆန္ဒပေါ်လာ၏။ မိန်းမဖန်ဆင်းပြီးတော၌လှည့်လည်ခဲ့ရာ နတ်ရေးသော ဖူးစာကြောင့်လေလားမသိ၊ (ဝိဇ္ဇာ) ဇော်ဂျီနှင့်ဖူးစာဆုံလေတော့၏။ ဇော်ဂျီသည်ထိုအမျိုးသမီးကို နဂါးမမှန်းမသိချေ။ ထိုကြောင့် နှစ်နှစ်ကာကာပေါင်းသင်းနေထိုင်ခဲ့ရာ နဂါးမတွင်ပဋိသန္ဓေစွဲလာခဲ့သည်။ ကိုးလလွယ်၍ဆယ်လသို့ရောက်သောအခါ နဂါးမသည်ဥနှစ်လုံးကို ဖွားသန့်စင်ခဲ့သည်။ ထိုဥနှစ်လုံးသည် အရွယ်အစားတူညီစွာရှိပြီး အလွန်လှပလေသည်။

ထိုသို့ မိမိမိန်းမကဥနှစ်လုံးမြင်သည်ကို (ဝိဇ္ဇာ) ဇော်ဂျီကသိသောအခါ ’’အလိုငါ့အိမ်သူမသည် လူသားစင်စစ်မဟုတ်၊ မြွေမျိုးနဂါးမျိုးပါလား’’ဟူ၍ ညည်းညူလေ၏။ ထို့နောက် စိတ်ပြတ်အားငယ်ပြီး ထွက်ပြေးရန်ကြံစည်လေတော့သည်။ ထို့ကြောင့် နဂါးမကိုိချိုသာသောစကားပရိယာယ်ဖြင့် ကလေးများအ တွက်ဆေးရှာထွက်ခွင့်ပေးရန် ခွင့်တောင်းလေသည်။ မိမိ၏မိန်းမနဂါးမမျက်ကွယ်သို့ ရောက်သာအခါ ကောင်းကင်သို့ဆန်လျှက် ပျံတက်သွားလေသည်။

သုံးလေးရက်ခန့်ကြာသောအခါ နဂါးမသည် မိမိ၏လင်တောင်မောင်ဝိဇ္ဇာ ဇော်ဂျီ ပြန်လာလေနိုးဖြင့် လည်တဆန့်ဆန့်နှင့် မျှော်ကိုးနေခဲ့၏။ သို့သော် လင်တော်မောင်ဝိဇ္ဇာ ဇော်ဂျီပြန်မလာသဖြင့် နဂါးမသည် ဤသုိ့ညည်းညူပြန်လေသည်။ ’’ငါ၏လင်တော်မောင်သည်ကလေးများအတွက် ဆေးရှာထွက်ရာတွင်  ဤမျှကြာမြင့်ရခြင်းမှာ ငါသည်နဂါးမတိရစ္ဆာန်ဖြစ်ကြောင်းကို ငါ၏လင်တော်မောင်ဝိဇ္ဇာ ဇော်ဂျီသိသွားသော ကြောင့် ဖြစ်လိမ့်မည်ဟု ပြင်းစွာစိုးရိမ်ပူပန်လေ၏။ ထို့ကြောင့် မိမိလင်ကိုတွေ့လိမ့်လေနိုး၊ တွေ့လေနိုးဖြင့် တောအနှံ့တောင်အနှံ့ လှည့်လည်ရှာဖွေခဲ့၏။ သို့သော် မိမိလင်တောင်ကို အရိပ်အယောင်မျှပင်မတွေ့ရသ ဖြင့် လူမတန်ကံချကာပြင်းစွာအော်ဟစ် ငိုကြွေးလေရှာသည်။ မိမိ၏ရင်နှစ်သီးချာဖြစ်သည့် လှပသောဥနှစ် လုံးကို ဥမင်လိုဏ်ခေါင်းထဲတွင်လုံခြုံစွာသိမ်းဆည်းထားခဲ့ပြီး မိမိ၏ဌာန နဂါးပြည်သို့ပြန်သွားလေ၏။
ထို့နောက် ရသေ့တစ်ပါးသည် တောသုိ့ခရီးစကြာဖြန့်တော်မှုရာတွင် ဥမင်လိုဏ်ခေါင်းအတွင်း၌ ဥနှစ်လုံးကိုတွေ့ရှိ၏။ ထိုဥနှစ်လုံးသည်အလွန်လှပပြီး ထူးဆန်းအံ့သြဖွယ်ကောင်းလွန်းသဖြင့် မိမိ၏ကျောင်း သုိ့ယူဆောင်ခဲ့လေသည်။ ရသေ့ညီအစ်ကိုနှစ်ပါးလည်း တိုင်ပင်ညှိနှိုင်းပြီး ထိုဥနှစ်လုံးကိုတစ်ပါးတစ်လုံးစီ ခွဲဝေယူကြ၏။ အကြာမြင့်ပင်ထိုဥနှစ်လုံးမှ လူသားနှစ်ဦးပေါက်ဖွားလာခဲ့သည်။ တစ်ဦးသည်ယောက်ျာလေး ဖြစ်ပြီး တစ်ဦးမှာမိန်းကလေးဖြစ်၏။ (အချို့ရာဇဝင်များက နှစ်ဦးစလုံးပင်ယောက်ျားလေးဖြစ်ပြီး တစ်ဦးမှာ ကျောက်ရောဂါဖြစ်၍ သေကြောင်းဖြင့်ဆိုကြသည်ဟုဆို၏။) ဥမှမိန်းကလေးရသောရသေ့သည် မိမိနှင့် မအပ်မရာဖြစ်၍ ကရင်တို့အားပေးလိုက်သည်။ ယောက်ျားလေးရသောရသေ့သည် အရွယ်ရောက်သည့် တိုင်ကျွေးမွေးပြုစု၏။ စောင့်ရှောက်၏။ ပညာလည်းသင်ပေး၏။ ဖခင်ဖြစ်သူဝိဇ္ဇာ ဇော်ဂျီကလည်းမိမိ၏ရင် သွေးသားလေးအား ပညာများကူညီသင်ပေးလေသည်။ ထိုကလေးကိုရသေ့က တီသာတီဟ ဟုအမည်ပေး လေသည်။